هذي القصيده لشاعر : ناشي الصخيني
ياالله إنك ترحم العين من شـي تشـوف
ويالله إنك ترحم القلب من ضيق الصـدر
ياولـي" بالشدايـد ميسـر للـظـروف
فزعتي لاصار مالـي مطيـر ولا مفـر
ضيق الخاطر غزال"جميـل وفيلسـوف
نعنبوهـا صادفتنـي بكوريـش الخبـر
جادل" فيها الحـلا ماتوصفـه الحـروف
وآعذاب القلب من شوف بـراق النحـر
لامشت تمشي على هون وتهز الكتـوف
أتدلـع بالخطـا وأتغطـرس بالكـبـر
زينها وهبه مـن الله وللعاشـق تلـوف
كل مافيها حـلا مـن شعرهـا للظفـر
ماقدرت أستحمل وقلت لحظه يالهنـوف
وقفي وأرجـوك لـدي عليـه بالنظـر
ليـه قلبـك قاسـي" لايـود ولايـروف
نعبوا دارك حجمتي علـى كـل البشـر
في عيونك خيل مع حرب مع سلة سيوف
أنتي الفتنه على الناس وأسباب الخطـر
لامشيتي صاروا الناس مع جنبك صفوف
الخلايـق لامشيتـي يشوفـون البـدر
العيون السود والعنق وأطراف الـردوف
والشعر ليل" على الصبح غطى وأنتثـر
ترسلين سهوم عينك على عباد" ضعوف
مالهم حيلـه ولا حـل ياكـود الصبـر
مير سوي بـالأوادم جمايـل ومعـروف
لاتجين ولاتمشي علـى شاطـي البحـر
مير جعلك فدوة الي على قلبـي تحـوف
جادل" في وسط قلبـي غلاهـا مستقـر
مايزعزع في غلاها هبوب ولاعصـوف
مسهرتني عن لذيذ الكرى ليـن الفجـر
ياعساها سالمه من مقاديـر الصـدوف
بهذلتني مير أبا أطلب من الرب الأجـر
تلت القلـب المعنـا وزادت بالجـروف
والسبايب كلها سبـة القلـب الخضـر
وصفها ماينتوصف بوصف من الوصوف
ويش أوصف ويش أبى أقول طلة قمـر
جادل" في حبها همت والحـب معـروف
من مشى درب المحبه يبى يلقـى العبـر
ياحبيب" فيك قلبـي مولـع ومهـروف
ياعسى يفـداك يازيـن سكـان الخبـر
موضوع: القلب الخضر 
الخميس أكتوبر 02, 2008 12:38 pm
